'ഖാൻ യൂനിസി'ൽ

എന്റെ ഓർമയിലെ 'കുഞ്ഞി' നോട് പറയാൻ വെച്ചത്,

ഒറ്റ തീ ഗോളത്തിന്റെ വിഭ്രമത്തിൽ

എല്ലാം മറന്ന് പോയി,

'ഗാന്യു'വിൽ ഞാൻ ഇപ്പോഴും തിരയുന്നുണ്ട്

ഓർത്ത് വെച്ച വാക്കുമായി

എന്റെ ഓർമയിലെ

കുഞ്ഞിനെ അന്വേഷിച്ച്.

*****

പലസ്തീൻ മണ്ണിലെ

'ഓലീവ് മരമേ'...

നീ എങ്ങനെയാണ്

സ്വന്തം ജനതയുടെ

മണ്ണിലും ജലത്തിലും

അലിഞ്ഞ രക്തം

വേരുകളിൽ സ്വീകരിക്കാതെ

പ്രതിഷേധമായി

ഈ വേനലിൽ നിൽക്കുന്നതെ-

ന്ന് ഓർത്ത് പോകുന്നു...

കരിഞ്ഞു പോകാതിരിക്കാൻ,

രക്തം വേർതിരിച്ചു

അൽപ്പാൽപ്പമായി

വെള്ളം എടുക്കുക,

ഒലിവ് മരമേ

നീ നിലനിൽക്കുക,

വളരെ ദൂരെയുള്ള

എനിക്ക് വേണ്ടി.

അല്ലെങ്കിൽ,

ഉച്ചവെയിലിൽ

ചില്ലയിൽ വന്നിരിക്കുന്ന

ചെറു പക്ഷിയായി,

എന്നെ കരുതുക!

*****

ഗസ്സയെ കുറിച് പറയാൻ,

ഗസ്സയെ കുറിച് ഓർക്കാൻ,

സർഗ്ഗത്മകതയോ, കാവ്യാത്മകതയോ,

ചേരുന്നില്ല,

എന്നാണ്

അത് നമ്മൾ നോക്കിനിൽക്കേ

നടന്ന, നടക്കുന്ന

ഒരു ഭയാനകതയാണ് !